У Рагачове з-за аварыі на помпавай станцыі без вады засталіся 12 тыс. жыхароў

вода

У Рагачове Гомельскай вобласці 15 сакавіка з-за аварыі на каналізацыйнай помпавай станцыі без вады засталіся каля 12 тыс. жыхароў.

Па дадзеных МНС, аварыя на помпавай станцыі №2 адбылася каля 6 раніцы і пакінула без вады каля траціны насельніцтва горада, так як халоднае і гарачае водазабеспячэнне адключылі ў трох мікрараёнах. Адключаныя былі 80 шматкватэрных і 300 прыватных дамоў, школа і тры дашкольныя ўстановы. Быў арганізаваны падвоз вады.

Ідуць аднаўленчыя работы, у іх заняты больш за 30 чалавек і 12 адзінак тэхнікі. Рамонт абяцаюць завяршыць да канца гэтых сутак.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі