ІДІЛ страціў амаль чвэрць тэрыторыі ў Сірыі і Іраку

Ірак
Аналітычнае агенцтва IHS 15 сакавіка апублікавала даклад па сітуацыі на Блізкім Усходзе, у якім гаворыцца, што ў апошнія 14 месяцаў “Ісламская дзяржава” страціла больш за 22% падкантрольных ёй тэрыторыяў у Сірыі і Іраку.

У агульнай складанасці тэрыторыя, на якой ІДІЛ усталяваў так званы ісламскі халіфат, паменшылася на 8%. За гэты час баевікі ІДІЛ пазбавіліся 40% даходаў ад продажу нафты. Экстрэмісты больш не кантралююць сірыйска-турэцкую мяжу, паведамляе ВВС.

За пяць гадоў канфлікта ахвярамі баевікоў ІДІЛ сталі 250 тысяч чалавек. Каб прачытаць іх імёны, спатрэбіцца 19 гадзінаў.

У сірыйскай правінцыі Ідліб працягваюцца баі паміж звязанай з “Аль-Каідай” групоўкай “Фронт ан-Нусра” і атрадам апазіцыйнай “Свабоднай сірыйскай арміі”. Напярэдадні 13 дывізія “ССА” ў раёне горада Мааррет-эн-Нууман адбіла напад джыхадыстаў. “Свабодная сірыйская армія” узяла на сябе абавязальніцтвы па спыненні баявых дзеянняў супраць урадавых войскаў, “Фронт ан-Нусра”, як і ІДІЛ, выключаны з перамоўнага працэсу.

Паводле словаў дзяржсакратара ЗША Джона Кэры, з пачатку абвешчанага 27 лютага перамір’я ўзровень гвалту ў Сірыі знізіўся на 80-90%, у цэлым мірны дагавор выконваецца.

Асаблівую трывогу экспертаў выклікае стан дамбы ў Масуле – адным з найбуйнейшых гарадоў Ірака, падкантрольным ІДІЛ. Па прагнозах адмыслоўцаў, ахвярамі абвальвання дамбы могуць стаць 1, 47 мільёны чалавек. Тэхнічнае абслугоўванне дамбы было спыненае пасля захопу горада баевікамі ІДІЛ ў 2014 годзе.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі