Брытанскі гісторык выявіў таемныя пазнакі ў 500-гадовай Бібліі

Гісторык Эял Палег выявіў таемныя пазнакі ў адной з першых друкаваных Біблій Англіі.

Нядаўна праведзены аналіз Лацінскай Бібліі, надрукаванай ў 1535 годзе, выявіў пазнакі, зробленыя ў 16-м стагоддзі ў эпоху Рэфармацыі.

Дадзеная Біблія захоўваецца ў рэзідэнцыі арцыбіскупа Кэнтэрбэрыйскага і з’яўляецца адным з сямі ацалелых асобнікаў.

Пры бліжэйшым разглядзе апынулася, што палі кнігі залепленыя шчыльнай паперай. Пры дапамозе Грэма Дэвіса, спецыяліста па трохмернай рэнтгенаграфіі, гісторыкам удалося атрымаць здымкі пазнак, не пашкодзіўшы пры гэтым старонкі кнігі.

Пазнакі, зробленыя на англійскай мове, з’яўляюцца выпіскамі з рэфарматарскай Бібліі Томаса Кромвеля. Зробленыя ў перыяд з 1539 па 1549 гады, у 1600 годзе яны былі схаваныя пад пластом шчыльнай паперы.

Як адзначае Палег, дадзеная знаходка пацвярджае канцэпцыю, згодна з якой Рэфармацыя была паступовым працэсам і што некаторы час святарамі адначасова выкарыстоўваліся і латынь, і англійская.

У канцы кнігі навукоўцы таксама выявілі даўгавую распіску, згодна з якой нейкі Джэймс Эліс Катперс (сярэднеангл. Cutpurse, «кішэннік») з Лондана абяцаў аддаць Ўільяму Шэфіну з Кале 20 шылінгаў, а ў выпадку нявыплаты доўгу яго чакала турма. Навукоўцам атрымалася выявіць, што Катперс быў павешаны ў ліпені 1152 года.

Па матэрыялах Fox News.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
17.03.2016 Цікава ведаць| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты