50 рыбакоў апынуліся адрэзанымі ад берага на Мінскім моры

mcУдзень 17 сакавіка каля 50 рыбакоў апынуліся адрэзанымі ад берага на Мінскім моры з-за таго, што на лёдзе вадаёма ўтварылася паўмятровая расколіна.

Гэта адбылося ў раёне гасцініцы «Юнацтва», насупраць выратавальнай станцыі «Заслаўе-2».

Як паведаміў галоўны вадалазны спецыяліст Мінскай арганiзацыi Беларускага рэспубліканскага таварыства ратавання Дзяніс Чашун, каля  13,50 вялікія расколіны на лёдзе заўважылі супрацоўнікі станцыі. Яны выратавалі частку рыбакоў, якія былі на лёдзе, а астатнія аматары лоўлі апынуліся адрэзанымі ад берага. Іх пазней таксама выратавалі.

Выратавальныя аперацыі групы ОСВОД завяршылі каля 16.45. Ніхто з рыбакоў не пацярпеў.

У МНС Беларусі паведамілі, што ў 15:02 17 сакавіка начальнік выратавальнай станцыі Беларускага рэспубліканскага таварыства ратавання праінфармаваў цэнтр аператыўнага ўпраўлення Мінскага раённага падраздзялення, што на крызе, забытай ужо ад берага, знаходзяцца людзі.

Калі ратавальнікі прыбылі, высветлілася, што недалёка ад вёскі Ганолес на Заслаўскім вадасховішчы лёд адышоў ад берага на 3 – 10 метра і на крызе апынуліся 5 чалавек.

Работнікі ратавальнай станцыі да таго моманту ўжо знялі чацвярых з лёду. Пятага з дапамогай выратавальнай дошкі даставілі на бераг сотрудики МНС.

Медыцынская дапамога рыбакам не спатрэбілася.

Па матэрыялах МНС Беларусі і агенцтва «Мiнск -Навіны»

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
18.03.2016 Здарэнні| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты