Маладыя пяцідзясятнікі Салігорскага раёна сабраліся на супольнае служэнне

дзяўчына ХВЕ
У вёсцы Хорастава ў Салігорскім раёне 12 сакавіка прайшло з’езднае моладезвае служэнне вернікаў цэркваў пяцідзесятнікаў рэгіёна з удзелам моладзевага служыцеля памеснай царквы ХВЕ Рамана Ярмаковіча, моладзевага служыцеля Віталя Караніхі і моладзевага служыцеля Максіма Букаціна з Мінска.

На сустрэчу сабралася больш за 80 чалавек, у служэнні ўдзельнічала група музычнага праслаўлення «Абуджэнне» з Салігорска, паведамляе cxbe.by.

У гэты ж дзень у мінскай царкве пяцідзесятнікаў «Благадаць» адбылася сустрэча студэнтаў, на якую сабраліся каля 50 чалавек. Моладзевы служыцель Вячаслаў Кот ўзначаліў агульную малітву, пасля чаго гутарка працягнулася за трапезай. Удзельнікі сустрэчы паглядзелі фільм «Выратаванне», зняты моладдзю царквы, а таксама ролік «6 тысяч пунктаў для неба», паведамляе grace.by.

Напярэдадні ў царкве прайшоў тэматычны жаночы вечар «Наблізьцеся да Бога, і наблізіцца да вас», на пачатку якога чалец жаночага служэння Анастасія Кісляк заклікала сясцёр па веры адцягнуцца ад мітусні і клопатаў і накіраваць усе свае думкі да Бога.

Удзел у вечарыне ўзялі госці з царквы «Віфанія» — Валянціна Дзерман падзялілася досведам пераадолення непаразумення ў сям’і, пастар царквы Яўген Грышкевіч распавёў на прыкладзе біблейскіх гераінь Ганны і Фэнаны, як правільна рэагаваць на насмешкі людзей над вернікамі.

Чальцы мінскай царквы «Гефсіманія» 13 сакавіка наведалі памесную царкву ў Лагойску, дзе ў гэты дзень пастар Мікалай Булат прапаведаваў на тэму «Усё рабіце, як для Госпада», пасля чаго госці падзяліліся сведчаннямі сваёй веры, паведамляе geth.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі