МУС прапаноўвае зрабіць больш жорсткімі закон для барацьбы з насваем

насвай
МУС Беларусі выступае з ініцыятывай зрабіць больш жорсткімі закон для барацьбы з насваем. Пра гэта 23 сакавіка паведаміў начальнік галоўнага ўпраўлення па наркакантролі і супрацьдзеянні гандлю людзьмі МУС Васіль Лосіч.

МУС прапаноўвае ўвесці штраф да 100 базавых велічынь з канфіскацыяй тавару і транспартных сродкаў і дапоўніць КаАП новымі артыкуламі аб адказнасці за захоўванне, ужыванне, перасоўванне і рэалізацыю некурыльных тытунёвых сумесяў.

Васіль Лосіч адзначыў, што рашэнню спрыялі вынікі нядаўняга грамадскага абмеркавання пытанняў лібералізацыі адміністрацыйнага заканадаўства. Было шмат прапаноў ад грамадзян менавіта ў дачыненні да насвая, людзi абураліся адкрытай гандлем ім у грамадскіх месцах.

Паводле звестак МУС, аб’ёмы паставак насвая ў Беларусь растуць і за апошнія тры гады было канфіскавана больш за 4,5 тон.
Па матэрыялах БЕЛТА

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі