Хрыстос уваскрос! Сапраўды ўваскрос! (фотарэпартаж з Чырвонага касцёлу)

27 сакавіка вернікі розных хрысціянскіх канфесій па ўсім свеце, якія карыстаюцца грыгарыянскім календаром, сустрэлі Вялікдзень.

Ранішняй літургіяй – рэзурэкцыяй – мінскія каталікі таксама распачалі ўрачыстасць Уваскрашэння Хрыста. А 07:00 у мінскім касцёле святых Сымона і Алены не было дзе знайсці вольнага месца, нават каб стаяць. Вернікі з нецярплівасцю чакалі, калі ксёндз-пробашч Уладзіслаў Завальнюк прамовіць гэтыя істотныя словы: “Хрыстос уваскрос!”

Пасля адбылася працэсія з найсвяцейшым сакрамантам вакол касцёлу. А тыя, хто не паспеў асвяціць велікодныя стравы ў суботу, як звычайна, мелі гэтую магчымасць пасля набажэнства, каб цалкам падрыхтаванымі вярнуцца за святочны сямейны стол.

Хрыстос уваскрос! Сапраўды ўваскрос!

Фота Paval Hadzinski

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі