Памёр апошнi Народны паэт Беларусі – Ніл Гілевіч

гилевич
Апошні народны паэт Беларусі Ніл Гілевіч памёр сёння, 29 сакавіка, у Мінску на 85-м годзе жыцця. Пра гэта паведамілі сваякі і сябры паэта.

Па словах паэта і барда Эдуарда Акуліна , Ніл Гілевіч пайшоў з жыцця каля сямі гадзін вечара.

Раніцай каля адзінаццаці гадзін яго забралі ў рэанімацыю, каб падтрымаць яго кропельніцай, у тры гадзіны дня яму стала зусім дрэнна і каля сямі вечара Гілевіч памёр. Апошні тыдзень жыцця паэт амаль не ўставаў,  распавёў Акулін.

У апошнія гады паэт пакутаваў ад анкалагічнага захворвання.

Ніл Гілевіч быў паэтам, літаратуразнаўцам, перакладчыкам.

Ён быў апошнім з паэтаў, якія насілі званне Народнага (было прысвоена яму ў 1991 годзе). Гэтае званне мелі, акрамя Ніла Гілевіча, яшчэ сэм беларускіх паэтаў: Янка Купала, Якуб Колас, Пятрусь Броўка, Аркадзь Куляшоў, Максім Танк, Пімен Панчанка, Рыгор Барадулін, усе яны ўжо сышлі з жыцця.

Ніл Гілевіч нарадзіўся 30 верасня 1931 гады ў вёсцы Слабада Лагойскага раёна Мінскай вобласці.

Ён быў заслужаным дзеячам навукі БССР, уваходзіў у Прэзідыум Вярхоўнага Савета БССР, працаваў літаратурным кансультантам газеты “Звязда”, быў першым сакратаром праўлення Саюза пісьменнікаў БССР, меў шэраг узнагарод.
Па матэрыялах tut.bу

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі