Касцёл ва Уздзе, у якім хрысцілі бацьку Янкі Купалы, выстаўлены на аўкцыён

Узда, костел
Уздзенскі райвыканкам выставіў на аўкцыён Крыжаўздзвіжанскі касцёл, пабудаваны ў 1798 годзе генералам Казімірам Завішам.

Электронныя таргі пройдуць 26 красавіка на пляцоўцы «БУТБ-Маёмасць», стартавы кошт гістарычнага будынка, — 13 тысч даляраў, паведамляе tut.by.

У 1843 годзе тут хрысцілі Дамініка Луцэвіча — бацьку Янкі Купалы. У савецкі час помнік неагатычнага стылю служыў раённым Домам культуры, якім фармальна застаецца да гэтага часу.

Касцёл аточаны каменнай агароджай з брамай. Агульная плошча памяшканняў без скляпоў складае 534 квадратных метра. У будынку ёсць электрычнасць, ацяпленне, водаправод і каналізацыя. Захавалася адрэстаўраваная агароджа з уязной брамай з бута і чырвонай цэглы, у апсідзе зараз размяшчаецца кацельня.

Будынак двухпавярховы — на першым паверсе размешчаныя глядзельная зала умяшчальнасцю 240 месцаў, гардэроб і складское памяшканне, на другім — фае і 7 рабочых кабінетаў. Разам з будынкам пакупніку адыдзе арандаваны на 99 гадоў зямельны ўчастак плошчай 0,3973 га.

Пераможца таргоў зможа адкрыць у былым касцёле кафэ, міні-гатэль, рэстаран альбо офісны асабняк.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі