У Мінску вернікі розных канфесій маліліся за Беларусь (фотарэпартаж)

Увечары 12 красавіка ў мінскай архікатэдры адбылася экуменічная сустрэча і малітва за Беларусь.

Напачатку яе блаславіў мітрапаліт Тадэвуш Кандрусевіч, які адзначыў важную ролю няспыннай малітвы за Беларусь, падзякаваўшы ініцыятарам акцыі няспыннай малітвы за Беларусь і яе ўдзельнікам (іх каля 150 чалавек), якія выдаткоўваюць час на малітву за Беларусь удзень і ўначы.

А потым моладзь з розных хрысціянскіх канфесій (рыма- і грэка-каталікі, праваслаўныя, пратэстанты) прапанавала невялікія разважанні на тэму патрыятызму і веры. Удзельнікі малітвы прасілі Бога, каб кожны беларус усвядоміў, што гісторыя яго ўласнага жыцця, яго сям’і і народа — гэта частка вялікай гісторыі збаўлення чалавецтва, частка гісторыі перамогі годнасці і праўды над ілжывасцю граху.

Напрыканцы малітвы ўдзельнікі ўзяліся за рукі і разам маліліся «Ойча наш».

Выдатным акампанементам была музыка гурта “Laudans” на старажытных інструментах.

Фота Paval Hadzinski

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
13.04.2016 Беларусь, Фотарэпартаж| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты