Хрысціян Віцебска запрасілі да актыўнага ўдзелу ў кампаніі “У абарону жыцця”

У Віцебску працягваецца кампанія “У абарону жыцця”. Алёна Шабуня, сябра Беларускай хрысціянскай дэмакратыі, запрасіла да актыўнага ўдзелу ў кампаніі хрысціян Віцебска. Яна перадала лісты са зваротам для збору подпісаў у хрысціянскія евангельскія цэрквы і касцёлы абласнога цэнтра.

Зараз Алёна Шабуня і каманда актывістаў збіраюць подпісы пад зваротам у Палату прадстаўнікоў, Савет міністраў, Адміністрацыю прэзідэнта і Міністэрства аховы здароўя, які заклікае ўлады разгледзець магчымасць увядзення забароны на правядзенне абортаў у Беларусі, акрамя выпадкаў, калі існуе пагроза здароўю і жыццю маці, паведамляе Vitebskby.com.

У звароце адзначана, што ў выпадку немагчымасці прыняць гэтую меру, прапануецца скараціць тэрмін для правядзення абортаў пры адсутнасці медыцынскіх паказчыкаў да шасці тыдняў (сёння – 12) і ўвесці абавязковы пяцідзённы перыяд чакання з моманту падачы заявы аб жаданні зрабіць аборт і накіроўваць жанчын на псіхалагічнае кансультаванне з інфармаваннем пра этапы ўнутрычэраўнага развіцця дзіцяці і магчымых наступствах аборту.

Акрамя таго, прапануецца для замужняй жанчыны прадугледзець абавязковую пісьмовую згоду мужа на аборт, выключыць усе сацыяльныя паказанні для перапынення цяжарнасці і забараніць усе віды рэкламы абортаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
25.04.2016 Грамадства| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты