Беларусь спадзяецца на інтэнсіфікацыю адносін з Мальтыйскім ордэнам

ордэн

Прэм’ер-міністр Рэспублікі Беларусь Андрэй Кабякоў 26 красавіка сустрэўся з Вялікім Канцлерам Мальтыйскага Ордэна Альбрэхтам фон Безелагерам. Бакі абмеркавалі перспектывы двухбаковага ўзаемадзеяння, у тым ліку шляхі актывізацыі супрацоўніцтва ў гуманітарнай сферы. Пра гэта паведамілі ва ўрадзе Беларусі.

Кіраўнік урада адзначыў, што візіт Альбрэхта фон Безелагера ў Мінск у дзень трыццатай гадавіны аварыі на Чарнобыльскай АЭС «красамоўна дэманструе неабыякавае стаўленне суверэннага Мальтыйскага Ордэна» да праблем, з якімі сутыкнулася Беларусь.

Паводле яго слоў, Мальтыйскі ордэн з’яўляецца для Беларусі асаблівым партнёрам на міжнароднай арэне і Мінск вельмі разлічвае на яго падтрымку і садзейнічанне ў рэалізацыі гуманітарных, культурных і іншых праектаў. Прэм’ер адзначыў стваральную ролю ордэна ў рэалізацыі гуманітарных праектаў у Беларусі: пастаўках рознымі асацыяцыямі, дзеючымі пад эгідай Мальтыйскага Ордэна, абсталявання і медыкаментаў для патрэб беларускіх устаноў аховы здароўя, арганізацыі стажыровак беларускіх лекараў у замежных універсітэцкіх клініках, а таксама праграме гуманітарнай дапамогі.

«Беларусь была б вельмі ўдзячная Мальтыйскаму Ордэну за разгляд магчымасці ўдзелу ў сумесных праектах у галіне медыцыны, рэканструкцыі значных аб’ектаў аховы здароўя Беларусі, у тым ліку на найбольш пацярпелых ад ЧАЭС тэрыторыях Гомельскай вобласці», — заявіў Андрэй Кабякоў.

Ён таксама адзначыў асаблівую цікавасць Беларусі ў праектах у сферы сацыялізацыі і падтрымкі людзей з абмежаванымі магчымасцямі, пастаўках абсталявання для абследавання насельніцтва, якое пражывае на забруджаных радыяцыяй тэрыторыях, рэканструкцыі і забеспячэння медыцынскім абсталяваннем дзіцячай абласной клінічнай бальніцы ў Гомелі. Кіраўнік урада выказаў надзею на інтэнсіфікацыю ўзаемадзеяння паміж Беларуссю і Мальтыйскім Ордэнам у сферах узаемнай цікавасці.

Па выніках перамоваў падпісаная Сумесная дэкларацыя, якая замацоўвае намеры бакоў па развіцці двухбаковага супрацоўніцтва ў сферах узаемнай цікавасці.

25 красавіка з Альбрэхтам фон Бёзелагерам сустрэўся міністр замежных спраў Беларусі Уладзімір Макей. Падчас гутаркі бакі абмеркавалі магчымыя шляхі актывізацыі двухбаковага супрацоўніцтва з упорам на рэалізацыю сумесных гуманітарных праектаў, паведамілі ў МЗС.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
26.04.2016 Беларусь| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты