У Мінску прадстаўнікі розных рэлігій прааналізавалі досвед Чарнобыля

семинар

У Мінскім міжнародным адукацыйным цэнтры імя Ёханэса Рау 26 красавіка адбыўся міжканфесійны і міжрэлігійны семінар на тэму «Жыццё як дар Божы ў эпоху навукова-тэхнічнай рэвалюцыі і тэхнагенных катастроф. Да 30-годдзя Чарнобыльскай і 5-годдзя Фукусімскай трагедый».

Удзел у рабоце семінара прынялі ўдзел дацэнт праваслаўнай Мінскай Духоўнай акадэміі протаіерэй Аляксій Васін, настаяцель касцёла святых Сымона і Алены ксёндз Уладзіслаў Завальнюк, галоўны рабін Рэлігійнага аб’яднання абшчын прагрэсіўнага юдаізму ў Беларусі Рыгор Абрамовіч, прэсвітар Саюза Евангельскіх Хрысціян Баптыстаў, прарэктар Мінскай духоўнай семінарыі ЕХБ Якаў Цімафееў, кіраўнік кірунку «Царква і ахова навакольнага асяроддзя» праваслаўнага Цэнтра экалагічных рашэнняў Сяргей Юшкевіч, студэнты Мінскай Духоўнай акадэміі, відавочцы і сучаснікі Чарнобыльскай трагедыі, паведамляе borisoveparhia.by.

Удзельнікі семінара аналізавалі ўрокі тэхнагенных катастроф сучаснасці (Чарнобыль, Фукусіма), дзяліліся вопытам у фарміраванні экалагічнай свядомасці ў рэлігійных супольнасцях і штодзённым жыцці вернікаў, выслухалі сведчанні і ўспаміны відавочцаў Чарнобыльскай катастрофы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі