У Мінску з’явіцца першы адзінаверскі храм (відэа)

Мінская стараверская абшчына святога прарока Іллі, – адзіная ў Беларусі абшчына старавераў ва ўлонні Беларускага Экзархата Маскоўскага Патрыярхату, – рыхтуецца да пачатку будаўніцтва храма.

Пакуль вернікі збіраюцца на малітву ў прыватным доме. Члены абшчыны маюць намер ўзвесці комплекс, у які, акрамя храма, ўвойдзе будынак нядзельнай школы, паведамляе сайт парафіі edinoslavie.ru.

З 1998 года абшчына святога прарока Іллі ўваходзіла ў склад Старажытнаправаслаўнай паморскай царквы, а ў 2005 годзе сход абшчыны прыняў рашэнне аб аднаўленні святарства і ўваходжанні ў Беларускую Праваслаўную Царкву Маскоўскага Патрыярхату. У 2006 годзе пастановай Святога Сінода БПЦ абшчына была прынята ў юрысдыкцыю Беларускай Праваслаўнай Царквы ў якасці стараверскага прыходу святога прарока Іллі.

“Традыцыі для старавераў вельмі важныя. Мужчыны-стараабрадцы не голяць бароды, хрысцяцца двума пальцамі і носяць сціплую вопратку. Прыхаджане не ставяць свечкі самастойна, паклоны здзяйсняюцца ў адзін час паводле статуту, не прынята стаяць на каленях, – акрамя тых момантаў, калі гэта належыць паводле статуту», – распавядае старшыня парафіяльнай рады Іллінскага прыходу Вячаслаў Кляменцьеў.

У парафіі строга захоўваецца старажытны чын службы і старажытнацаркоўныя спевы, яно адрозніваецца тым, што няма рэгента, не трэба мець добры голас, – але добры слых: пачынае спяваць галаўшчык, які задае танальнасць, вышыню і даўгату.

На працягу многіх гадоў стараверская абшчына падтрымлівае брацкія адносіны з мінскім прыходам Усіх тужлівых радасць, настаяцель якога, протаіерэй Ігар Карасцялёў, спрыяў наладжванню дыялогу і ўваходжанню мінскай абшчыны старавераў ва ўлонне Праваслаўнай Царквы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
01.05.2016 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты