У Магілёве збіралі подпісы ў абарону жыцця

Маладыя хрысціянскія дэмакраты Магілёва напярэдадні Вялікадня збіралі подпісы ў абарону жыцця, а таксама пагутарылі з жыхарамі горада на тэму стану медыцыны.

«Шмат чаго давялося пачуць ад людзей. У тым ліку і словы падзякі за неабыякавае стаўленне да праблем. Але цынізм у адносiнах да пацыентаў 10-й паліклінікі даходзіць да крайнасці. Калі чалавеку, у якога праблемы з сэрцам, неабходна аперацыя, то яму заяўляюць, што тыя неабходныя складнікі, якія маюцца, можна ўжыць, але яму праз паўгады стане горш, а імпартных трэба чакаць. Цяжарная дзяўчына заявіла, што наогул не адчувае ад лекара ні найменшага ўдзелу, з-за чаго складаецца адчуванне, што яе прыход патрэбны не для таго, каб лекар мог адсочваць яе стан, самаадчуванне, а для галачкі. На свае самыя простыя пытанні яна не можа атрымаць адказы», – адзначыў лідэр МХД Магілёў Андрэй Бодзілеў.

«На жаль, у нашай краіне ніхто не застрахаваны ад бяздушных абыякавых людзей, пачынаючы ад 1-дзённага зародка і заканчваючы пенсіянерамі», – падкрэсліў ён і заклікаў усіх неабыякавых далучыцца да кампаніі.

Таісія Кабанчук: 29 красавіка ў дэпутата яшчэ не сфармаваны графік працы на травень

Бабруйскі гарвыканкам перанакіраваў зварот бабруйскіх дэмакратычных актывістаў па пытанні якасці медычнага абслугоўвання ў Бабруйскую цэнтральную раённую бальніцу “для разгляду і прыняцця мераў”. Пра гэта паведаміла каардынатар аргкамітэту па стварэнні партыі “Беларуская хрысціянская дэмакратыя” ў Магілёўскай вобласці Таісія Кабанчук.

Таксама 29 красавіка яна паспрабавала запісацца на прыём па адзначаных пытаннях да свайго дэпутата Палаты прадстаўнікоў па Бабруйскай-Ленінскай акрузе – Мікалая Плаксіцкага, але, як высветлілася, у таго яшчэ не сфармаваны графік працы на травень. “Да траўня заставалася ўсяго два дні, а ў яго яшчэ не было гэтага графіку”, – адзначыла каардынатар БХД.

Пры гэтым памочнік Мікалая Плаксіцкага параіў звярнуцца да дэпутата суседняй акругі Алены Шамаль. “Я прапісаная і пражываю менавіта на акрузе Плаксіцкага, і звяртаюся ў медычныя ўстановы менавіта тут, а ён мне настойліва рэкамендуе звярнуцца да Шамаль”, – распавяла Таісія Кабанчук, адзначыўшы, што ў бліжэйшыя дні плануе высвятліць, ці з’явіўся графік працы дэпутата на травень.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі