Каталічкі з Ашмянаў разам з біскупам здзейснілі пешую пілігрымку ў Баруны

женщины Ошмян
Жанчыны-каталічкі з Ашмянаў 1 траўня з нагоды дыяцэзіяльнага свята – Дня маці, калі ва ўсіх парафіях моляцца ў інтэнцыі жывых і памерлых маці, здзейснілі пешую пілігрымку ў Баруны.

У пешы шлях вырушылі больш за 280 жанчын з Ашмянскага дэканата. Разам з імі пехам ішоў дапаможны біскуп Гродзенскай дыяцэзіі Юзаф Станеўскі, які напутнічаў жанчын словамі аб тым, што міласэрнасць жанчыны выяўляецца найперш у тым, каб бачыць у кожным чалавеку асобу — Божае стварэнне, паведамляе grodnensis.by.

Пры ўваходзе ў Баруны пілігрымаў чакалі мясцовыя вернікі са сваім пробашчам кс. Люцыянам Дамброўскім SDB, у прысутнасці якіх біскуп Станеўскі асвяціў прыдарожны крыж.

Разам з жанчынамі біскуп прайшоў праз Браму Міласэрнасці, заахвоціўшы ўдзельніц пілігрымкі прыгадаць інтэнцыі, з якімі яны вырушылі ў шлях.

Падчас Святой Імшы біскуп разважаў аб мацярынстве, нагадваючы, што яно з’яўляецца самым пачэсным статусам жанчыны.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
03.05.2016 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты