У Вільні з’явілася мемарыяльна шыльда ў гонар святара-паэта Казіміра Сваяка

Сваяк
У Вільні ў Старым Горадзе 22 траўня была ўсталяваная мемарыяльная шыльда ў гонар каталіцкага святара і паэта Казіміра Сваяка, які жыў у першай траціне ХХ стагоддзя.

Урачыстае адкрыццё мемарыяльнай шыльды, усталяванай на будынку дома па адрасе Дзіджоі, 17,  адбудзецца 19 чэрвеня ў 12.00 пасля богаслужбы па-беларуску ў касцёле святога Барталамея з удзелам духавенства з Літвы і Беларусі, паведамляе katolik-gomel.by.

Старшыня віленскага Таварыства Беларускіх Каталікоў  Аляксандр Адамковіч  паведаміў, што з касцёла святары і вернікі накіруюцца да дома, на якім знаходзіцца дошка, дзе і адбудзецца малітоўная цырымонія.

Шыльду выканаў скульптар Ігар Засімовіч, у якасці мецэната выступіў віленчук Мікіта Забуга. Па-літоўску і па-беларуску (лацінкай) на шыльдзе, якая мае форму крыжа, гаворыцца: «Тут жыў і вучыўся беларускі святар і паэт Казімір Сваяк».

У Докшыцкім раёне ўсталяваны мемарыяльны знак у гонар а. Віталя Баравога

Боровой
У вёсцы Параф’янава ў Докшыцкім раёне 22 траўня на тэрыторыі праваслаўнай царквы святапакутніка Пантэлеймона намаганнямі настаяцеля пратаіерэя Леаніда Страхі і прахаджанаў усталявалі памятны знак у гонар 100-годдзя з дня нараджэння славутага царкоўнага дзеяча, багаслова, педагога, прапаведніка, протапрасвітара Віталія Баравога.

Асвячэнне мемарыяльнага знака адбудзецца 24 траўня.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі