Мітрапаліт Павел: Хрысціянскія каштоўнасці ляжаць у грунце культуры Захаду і Усходу

Павел и Кондрусевич
У Мінску 26 траўня пачаліся праваслаўныя Кірыла-Мефодыеўскія чытанні «Хрысціянскія каштоўнасці ў культурнай традыцыі Усходу і Захаду – гісторыя і сучаснасць», арганізаваныя Хрысціянскім адукацыйным цэнтрам імя святых Мефодыя і Кірыла, Інстытутам тэалогіі імя святых Мефодыя і Кірыла БДУ, Белдзяржуніверсітэтам культуры і мастацтва, а таксама праваслаўнай Мінскай духоўнай акадэміяй, у сценах якой праходзяць Чытанні.

Звяртаючыся да ўдзельнікаў Чытанняў, мітрапаліт Мінскі і Заслаўскі Павел, Патрыяршы Экзарх усяе Беларусі, нагадаў, што хрысціянства не толькі “з’яўляецца здаровым грунтам у душах новых пакаленняў людзей, але і таксама хрысціянскія каштоўнасці ляжаць у грунце культуры Захаду і Усходу», паведамляе catholic.by.

З дакладам у якасці ганаровага госця выступіў мітрапаліт Мінска-Магілёўскі арцыбіскуп Тадэвуш Кандрусевіч, які засяродзіўся на праблематыцы хрысціянскага адзінства еўрапейскіх народаў і секулярызацыі сучасных грамадстваў, падкрэсліўшы: “Хрысціянства з’яўляецца асноватворным прынцыпам адзінства Старога кантынента”.

“У хрысціянскіх колах усё больш пашыраецца перакананне ў неабходнасці для праваслаўных і католікаў сумесна стаць у абарону традыцыйных хрысціянскіх каштоўнасцяў у Еўропе, якая рызыкуе страціць сваю шматвекавую хрысціянскую ідэнтычнасць. Католікі і праваслаўныя – гэта не супернікі, а супрацоўнікі на ніве абвяшчэння Евангелля і абароны хрысціянскіх каштоўнасцяў», – дадаў арцыбіскуп Тадэвуш Кандрусевіч.

З кароткімі прамовамі выступілі амбасадары шэрагу краінаў Еўропы і кіраўнікі беларускіх ВНУ.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі