У Навагрудку ўпершыню прайшоў Фестываль сям’і

Новогрудок

У Навагрудку 28 траўня адбыўся каталіцкі Фестываль сям’і, які стаў першым адмысловым «парадам сем’яў» у горадзе. Фестываль уключаў у сябе як духоўную частку, так і забаўляльную праграму.

Ініцыятарамі і арганізатарамі мерапрыемства сталі пробашч мясцовай парафіі святога Міхала Арханёла кс. Юрый Жэгарын, а таксама гарадскія артысты  – Аляксандр і Карына Калінкіны («ТРК Ангел ТВ»), Тэатр эстраднай песні і танцу VIZ-ART, паведамляе catholic.by.

Свята пачалося Святой Імшой, падчас якой кс. Юрый Жэгарын нагадаў: «Сям’я з’яўляецца водбліскам адзінага Бога. І настолькі сям’я падобная да Бога, наколькі яна адзіная. Але адзінства – гэта плод, бо, каб было адзінства, павінна быць любоў, і менавіта Бог дае нам прыклад любові».

Пасля сумеснай малітвы за сем’і Навагрудка і ўсёй Беларусі вернікі разам з аркестрам вырушылі з плошчы Леніна ў гарадскі парк, дзе адбылася асноўная частка святкавання.

Адкрываючы свята, кс. Юрый Жэгарын і начальнік аддзела адукацыі Навагрудскага раённага выканаўчага камітэта Алег Анікевіч выказалі надзею, што Фестываль сям’і стане добрай традыцыяй, якую падхопяць іншыя гарады.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі