Магчымасць зрыву Усеправасланага сабора і ўкраінскае пытанне

maxresdefault

Пасля таго, як правядзенне Усеправасланага сабора апынулася пад пытаннем, шэраг экспертаў выказаў здагадку, што зрыў сабора будзе садзейнічаць вырашэнню «ўкраінскага пытання» — «прадастаўленне Канстанцінопальскім патрыярхам аўтакефаліі або аўтаноміі Украінскаму Праваслаўю». У прыватнасці, падобную гіпотэзу выказаў дыякан Андрэй Кураеў. Але, нашы крыніцы ў Балгарскай і Грэчаскай Праваслаўных Цэрквах сведчаць, што хуткага вырашэння гэтага пытання не будзе ў любым выпадку.

Так, «практычна ўсе сыходзяцца ў меркаванні, што адзінай праваслаўнай структурай, якая сапраўды мае не толькі амбіцыі, але і адпаведныя сілы для аўтакефаліі або аўтаноміі, з’яўляецца Украінская Праваслаўная Царква Кіеўскага Патрыярхату». Аднак «Патрыярх Варфаламей выразна ўсведамляе, УПЦ КП ніколі не пойдзе на аўтаномію нават у складзе Канстанцінопальскага Патрыярхату — толькі Аўтакефальнай статус». Што ж можна чакаць ад Сусветнага Патрыярхату верным УПЦ КП в выпадку зрыву Усеправасланага сабора?

Украінскае пытанне, лічаць нашы эксперты, — гэта адзіны рычаг, якім «Сусветны Патрыярх можа нейкім чынам уплываць на Маскоўскі Патрыярхат». Таму надзея на тое, што з-за зрыву сабора «Канстанцінопаль надасць аўтакефалію УПЦ КП, давядзе сітуацыю да крытычнай мяжы разлому і пазбавіць сябе галоўнага прадмета гандлю з РПЦ, малаверагодна». Таму што «Патрыярх Варфаламей (або нават яго пераемнік) ніколі не адмовіцца ад ідэі правядзення сабора». Таму больш рэальным варыянтам развіцця падзей, крыніцы ў Эладскай Праваслаўнай Царкве, лічаць стварэнне нейкіх напаўафіцыйных або афіцыйных камісій (УПЦ КП і Канстанцінопальскага патрыярхату) па абмеркаванні самой працэдуры надання аўтакефаліі. Актывізацыя або згасанне гэтых перамоваў «будзе залежыць ад стану міжцаркоўных адносін Канстанцінопаля і Масквы».

Таксама магчыма, лічаць нашы эксперты, Канстанцінопаль «для дэманстрацыі рэальнасці сваіх намераў пойдзе на нейкія прамежкавыя крокі». Напрыклад, афіцыйна прызнае, што УПЦ КП «з’яўляецца не расколам, а падзелам з-за з’яўлення новай дзяржавы». Гэта «штосьці падобнае да статусу кліру Эстонскай Праваслаўнай Царквы ў апошняй стадыі перамоваў з Канстанцінопалем». Гэта значыць, «пры пераходзе ў юрысдыкцыю Сусветнага Патрыярхату ад архірэяў і святароў не будуць патрабавацца: ні новай хіратоніі, ні пакаяння ў граху расколу».

Протаіерэй Сяргей Горбік

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
06.06.2016 Каментары і аналітыка| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты