З’езд АГП пройдзе 17 ліпеня

XVII з’езд Аб’яднанай грамадзянскай партыі пачне сваю працу ў нядзелю, 17 ліпеня.

Плануецца прыезд на з’езд больш за 110 дэлегатаў, якія былі вылучаныя на партыйных канферэнцыях. Сярод іх – патэнцыйныя кандыдаты ў дэпутаты, чальцы іх каманд, а таксама рэгіянальныя лідары.

На з’ездзе плануецца вылучыць каля 70 кандыдатаў у дэпутаты з усіх рэгіёнаў Беларусі. У спіс будуць інтэграваныя дэлегаты некаторых іншых палітычных арганізацый Беларусі.

Таксама плануецца прыняцце перадвыбарчай платформы, якая будзе ўключаць у сябе праграму структурных рэформ “Мільён новых працоўных месцаў”, Антыкарупцыйную платформу, Нацыянальную платформу развіцця малога і сярэдняга бізнесу.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
15.07.2016 Грамадства| Тэгі: ,




Блогі