Ватыкан гатовы пайсці на кампраміс у перамовах з лефеўрыстамі

фелле

Ватыкан можа пайсці на кампраміс у перамовах з традыцыяналісцкім Святарскім брацтвам святога Пія Х, якое сышло ў раскол з-за нежадання прызнаць некаторыя рашэнні Другога Ватыканскага сабора. Пра гэта распавёў у інтэрв’ю “Die Zeit” сакратар папскай камісіі Ecclesia Dei, арцыбіскуп Гвіда Поцца, які курыруе дыялог з лефеўрыстамі.

Паводле яго, члены Брацтва могуць атрымаць статус персанальнай прэлатуры накшталт Opus Dei, пры гэтым Рым не будзе патрабаваць ад іх прызнання дакументаў Сабору, якія з’яўляюцца не дагматычнымі, а пастырскімі. Да такіх адносяцца дэкларацыя Nostra Aetate аб міжрэлігійным дыялогу, дэкларацыя Dignitatis Humanae аб рэлігійнай свабодзе, а таксама дэкрэт Unitatis Redintegratio аб экуменічных адносінах.

Гвіда Поцца падкрэсліў, што аспекты гэтых дакументаў, якія выклікаюць збянтэжанасць у лефеўрыстаў, не закранаюць веравучыцельныя ісціны, а з’яўляюцца «кіраўніцтвам у пастырскай дзейнасці». Ён нагадаў, што пра гэта гаварылася яшчэ ў 1964 годзе.

Арцыбіскуп адзначыў, што кіраўнік традыцыяналістаў біскуп Бернар Феле прыняў гэтую прапанову і на працягу бліжэйшых месяцаў мае намер акрэсліць шэраг дэталяў. Мяркуецца, што спачатку лефеўрысты павінны прыняць дактрынальную дэкларацыю аб прызнанні сапраўднасці сакрамэнтаў Касцёла і прымату Папы. Акрамя таго, ад Брацтва чакаецца «пэўная ступень прызнання» дакументаў Другога Ватыканскага сабора. Абмеркаванне спрэчных момантаў плануецца працягнуць пасля кананічнага прызнання.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
13.08.2016 У свеце| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты