Сінод БПЦ стварае новую епархію?

Синод

У Мінску ў епархіяльным упраўленні 16 жніўня пры ўдзеле мітрапаліта Філарэта, Ганаровага Патрыяршага Экзарха ўсяе Беларусі, і пад старшынствам мітрапаліта Мінскага і Заслаўскага Паўла, Патрыяршага Экзарха ўсяе Беларусі, адбылося чарговае пасяджэнне Сінода Беларускага Экзархата.

У пасяджэнні прынялі ўдзел архіепіскапы Віцебскі і Аршанскі Дзімітрый, Пінскі і Лунінецкі Стэфан, Гродзенскі і Ваўкавыскі Арцемій, Навагрудскі і Лідскі Гурый, Полацкі і Глыбоцкі Феадосій, епіскапы Магілёўскі і Мсціслаўскі Сафроній, Брэсцкі і Кобрынскі Іаан, Гомельскі і Жлобінскі Стэфан, Бабруйскі і Быхаўскі Серафім , Тураўскі і Мазырскі Леанід, Барысаўскі і Мар’інагорскі Веніямін, Слуцкі і Салігорскі Антоній, Лідскі і Смаргонскі Парфіры, кіраўнік спраў Мінскай Экзархіі архімандрыт Сергій (Брыч), паведамляе church.by.

Сінод разгледзеў бягучыя пытанні жыцця БПЦ і прыняў шэраг адміністрацыйных і кадравых рашэнняў, якія будуць апублікаваныя ў часопісах пасяджэння Сінода Беларускага Экзархата пасля іх зацвярджэння Патрыярхам Маскоўскім і ўсяе Русі. У апошні час падобныя фармулёўкі рашэнняў Сінода БПЦ пазначалі стварэнне новых праваслаўных епархій на Беларусі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі