Святары з Гродна падрыхтавалі праграму да Дня беларускага пісьменства (відэа)


У Гродне ў праваслаўным кафедральным Пакроўскім саборы па ініцыятыве святароў прыхода 4 верасня – Дзень беларускага пісьменства – стане Днём беларускай мовы.

Гродно
У 10.00 адбудзецца Боская літургія на беларускай мове, якую ўзначаліць настаяцель сабора протаіерэй Георгій Рой. У 12.00 пройдзе прэзентацыя новых кніг на беларускай мове, якія зьявіліся ў прыхадской бібліятэцы, паведамляе orthos.org.

У 18.00 адбудзецца літаратурная канферэнцыя “Рэлігійныя матывы ў творчасці народных паэтаў Беларусі”. Кандыдат філалагічных навук, дацэнт кафедры польскай філалогіі Гр ДУ імя Янкі Купалы Анатоль Брусевіч раскажа пра рэлігійныя матывы ў творчасці Янкі Купалы, кандыдат філалагічных навук Анатоль Трафімчык – аб рэлігійных матывах у творчасці Якуба Коласа. Даклад клірыка сабора іерэя Паўла Каспяровіча будзе прысвечаны творчасці Петруся Броўкі, аспіранта кафедры рускай і замежнай літаратуры ГрДУ імя Я. Купалы Вольгі Агнафоновой – Пімена Панчанкі.

Аб рэлігійных матывах у паэзіі Максіма Танка, Аркадзя Куляшова, Рыгора Барадуліна, Ніла Гілевіча раскажуць студэнты ГрДУ і госць з Мазырскага універсітэта, кандыдат філалагічных навук Тамара Нуждзіна.

З музычнай праграмай выступяць хор Пакроўскага сабора і барды Таццяна Салаўёва і Аляксандр Дзянісаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі