Генерал лефеўрыстаў назваў умовы яднання з Рымам

felle

Генеральны настаяцель традыцыяналісцкага каталіцкага святарскага брацтва святога Пія X, біскуп Бернар Фелле падчас свайго выступу ў касцёле святога Антонія ў Уонгануі (Новая Зеландыя) распавёў пра ўмовы, на якіх брацтва згоднае на поўнае яднанне з Ватыканам.

«Адным з нашых варункаў, якія не падлягаюць абмеркаванню, з’яўляецца тое, што мы не будзем залежаць ад біскупаў. Бачыце, што стала з Брацтвам святога Пятра і іншымі. Яны цалкам заблакаваныя, калі аддаюцца на ласку біскупаў. Мы кажам «не». Мы не пойдзем такім шляхам», – сказаў ён, перадае fsspx.pl.

Паводле яго слоў, Рым прапануе лефеўрыстам новую кананічную структуру на чале з біскупам, якога б абіраў Папа з ліку трох прэтэндэнтаў, якіх абрала Брацтва з ліку сваіх членаў. Біскуп будзе вяршэнстваваць над святарамі, манахамі і вернікамі, якія б хацелі далучыцца да брацтва. І вернікі маглі б атрымліваць ад святароў братэрства ўсе Сакрамэнты.

Таксама біскуп будзе мець права адкрываць школы, семінарыі, высвячаць святароў і нават засноўваць манаскія аб’яднанні, прымаць святароў, якія хацелі б далучыцца да брацтва. «Нешта накшталт супердыяцэзіі, незалежнай ад мясцовых ардынарыяў. Іншымі словамі, для вас бы нічога не памянялася. Памянялася б толькі тое, што вас прызналі б каталікамі», – адзначыў біскуп, звяртаючыся да членаў Брацтва.

Фота pravoslavnews.com.ua

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
14.09.2016 У свеце| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты