У Кобрыне выпадкова знеслі помнік Сувораву

pamsuvkob-01

У Кобрыне 17 верасня кіроўца грузавіка выпадкова знёс бюст расійскаму палкаводцу Аляксандру Сувораву, усталяваны перад уваходам у Кобрынскі ваенна-гістарычны музей. Пра гэта ў Facebook паведаміў мясцовы актывіст аргкамітэту “Беларускай хрысціянскай дэмакратыі” Віктар Гарбачэўскі.

«Сёння ў Кобрыне шляхам небяспечнага і дакладнага манеўравання знішчаны помнік кату Беларусі – Сувораву. Ура! Так значна лепш. Дзякуй кіроўцу Брэсцкага мясакамбіната», – адзначыў ён.

kobrynУсяго ў Кобрыне ў часы СССР было ўсталявана два бюсты і адзін помнік Сувораву ў поўны рост.

Аляксандр Сувораў (1729-1800) – расійскі палкаводзец, які ў гісторыю Беларусі ўвайшоў актыўным удзелам у крывавым задушэнні вызваленчых Барскай канфедэрацыі ў 1768-1772 гадах і паўстання пад кіраўніцтвам Тадэвуша Касцюшкі ў 1794 годзе. За падаўленне апошняга ён быў уганараваны Кобрынскай воласцю з больш чым 13 тыс. мужчынскага насельніцтва. Супраць яго ўшанавання ў Беларусі актыўна выступаюць нацыянальна-арыентаваныя сілы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі