Навукоўцы з дапамогай рэнтгену прачыталі самы старажытны скрутак Пяцікніжжа

svitok

Спецыялісты з ЗША і Ізраіля з дапамогай 3D-мадэлявання і рэнтгенаўскіх прамянёў змаглі расшыфраваць тэкст у старажытнаяўрэйскім скрутку, які быў занадта крохкі, каб яго разгортваць. Цяпер расшыфраваны апошні кавалак скрутка са згарэлай ізраільскай сінагогі Эйн-Геды, які быў знойдзены ў 1970 годзе.

У дакуменце ўтрымліваецца урывак з першай часткі кнігі Лявіт, у якім гаворыцца пра цэласпаленне. Манускрыпт, згодна з радыёвуглеродным аналізам, датуецца III-IV стагоддзем нашай эры. Аднак манера напісання рукапісу можа сведчыць пра тое, што ён быў напісаны ў I стагоддзі да нашай эры – I стагоддзі нашай эры.

Такім чынам, гэта самая старажытная копія біблейскага тэксту, пасля Кумранскіх рукапісаў, датаваных перыядам ад 250 года да н. э. да 68 года н. э. Адначасова гэта самы стары дакумент, які змяшчае ўрывак з Пяцікніжжа. Асноўная частка дакумента была расшыфраваная да ліпеня 2015 года.

Па матэрыялах PHYS.org

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі