У Менску АМАП уварваўся на малітву пратэстанцкага Духоўнага цэнтра

милиция

Супольная малітва і збор вернікаў незарэгістраванага пратэстанцкага Духоўнага цэнтра “Адраджэнне” ў Менску перапыніў АМАП. Інцыдэнт адбыўся 17 верасня, калі больш за сотню вернікаў з розных гарадоў Беларусі сабраліся ў актавай зале аднаго з прадпрыемстваў на сумесную службу.

«Уварваўся з дзясятак амапаўцаў, прычым з відэакамерамі і сталі здымаць усіх без разбору. Затым перапісалі ў кожнага пашпартныя дадзеныя, а хто ім па нейкай прычыне не спадабаўся – адвялі ў аўтазак і даставілі ў Ленінскі РАУС. Усяго затрымалі больш за дзесяць удзельнікаў рэлігійнага сходу. Там па чарзе ўсіх дапыталі і склалі пратаколы правапарушэння. Выйшаў я з пастарунку а палове на другую ночы», – распавёў адзін з затрыманых Аляксандр Хаміцэвіч, паведамляе «Вясна».

Сярод затрыманых апынуўся і пастар Алег Нацёкін.

Удзельнікаў сходу суд Ленінскага раёна Менска 4 кастрычніка аштрафаваў па ч.1 арт 23.34 КаАП (Парушэнне парадку арганізацыі або правядзення масавых мерапрыемстваў) на 20 базавых велічыняў (каля 210 даляраў). Згодна з пастановай аб адміністрацыйным правапарушэнні, у міліцыю нібыта паступіла інфармацыя пра тое, што нейкія людзі пераносяць у будынак на Партызанскім праспекце скрынкі, у якіх верагодна знаходзіцца дынаміт. Аднак замест дынаміту ў скрынках былі рэкламныя ўлёткі цэнтра “Адраджэнне”.

Духоўны цэнтр «Адраджэнне» ў Менску ўваходзіць у склад аднайменнай рэлігійнай арганізацыі, утворанай у 1997 годзе ў Украіне, якую ўзначальвае Уладзімір Мунцян. Усеўкраінскі Саюз Цэркваў ХВЕ называе Духоўны цэнтр «Адраджэнне» не адпавядаючым евангельскаму вучэню, а таксама вельмі блізкім да акультнай практыцы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
18.10.2016 Грамадства| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты