У Віцебску адновяць разбураны камуністамі касцёл

368px-st-_anthony_costel

Віцебскія ўлады маюць намер аднавіць разбураны камуністычнымі ўладамі горада ў 1961 годзе касцёл Святога Антонія, узвядзенне якога пачалося ў 1676 годзе. А вось праваслаўны Мікалаеўскі сабор, які ў 1640-х гадах быў пабудаваны як касцёл святога Язэпа, праз 200 гадоў расійскімі ўладамі перададзены праваслаўным і разбураны ў 1957 годзе, аднаўляць не будуць.

«Пакуль мы не плануем падобнае будаўніцтва, а вось касцёл святога Антонія ля фантана «Тры ракі» адновяць», – адзначыў 27 кастрычніка на сустрэчы з жыхарамі горада намеснік начальніка аддзела архітэктуры і горадабудаўніцтва Віцебскага гарвыканкама Леанід Багданаў, перадае «Витебский курьер».

Таксама віцяблян цікавіла пытанне будаўніцтва праваслаўнага Сафійскага сабора ў парку Партызанскай славы. Аднак ад каментароў па гэтым пытанні чыноўнік адмаўляўся. «Мы прыпынілі ўзвядзенне храма ў парку, аб далейшых дзеяннях у парку паведамім, калі будзе прынята рашэнне», – сказаў ён. Пры гэтым ён не стаў абмяркоўваць, чаму менавіта парк, а не пустку абралі для размяшчэння храма.

Між тым пакуль праціўнікі Сафійскага сабора спрабавалі абараніць сваё меркаванне гучнымі галасамі, праваслаўныя вернікі выставілі ў адказ іконы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі