Пробашч парафіі святога Валянціна: святкаванне Дня святога Валянціна было б карысным для дзяцей

дзень св валянціна 5

Вельмі лёгка ўзяць і забараніць. Так пракаментаваў Krynica.info намер віцебскіх абласных уладаў забараніць святкаванне ў школах Дня святога Валянціна і Хэлоўіна пробашч каталіцкай парафіі святога Валянціна ў Смалявічах айцец Андрэй Квяцінскі OFMCap.

Паводле яго, калі Хэлоўін сапраўды мае паганскія карані і нясе ў сабе дэструктыўныя змены, то Дзень святога Валянціна – гэта хрысціянскае свята. “І яго можна святкаваць. Толькі трэба навучыць дзяцей разуменню менавіта хрысціянскай любові, бо ёсць шмат розных мадэляў любові ў свеце. Неабходна навучыць, што любоў у чыста спажывецкім сэнсе – дрэнная, а любоў ахвярная, якая не шукае свайго, а хоча дабра другой асобе – тая любоў, якую прапагандаваў святы Валянцін, – гэта хрысціянская любоў. І такой мадэлі любові якраз і не хапае ў сучасным свеце”, – мяркуе святар.

Таму, лічыць суразмоўца, святкаванне Дня святога Валянціна менавіта па-хрысціянску, а не па-спажывецку, наадварот было б карысным для дзяцей. “Таму гэта проста нейкае непаразуменне. Гэта проста выліванне дзіцяці разам з вадой”, – падкрэсліў айцец Андрэй.

І калі, мяркуе пробашч парафіі святога Валянціна, з Хэлоўінам з доляй здаровага розуму варта змагацца, то са святым Валянцінам чыноўнікі змагаюцца дарэмна.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі