У Віцебску дэмантавалі плот вакол будпляцоўкі Сафійскага сабора

park-vitebsk-20161118-01

Плот вакол будпляцоўкі копіі Сафійскага сабора ў парку Партызанскай славы ў Віцебску дэмантавалі. 17 лістапада з яго знялі бляшаную ашалёўку, а на наступны дзень дэмантавалі металічны каркас і апоры.

Пасля таго як падрыхтоўка да пачатку будаўніцтва сабора і высечцы 200 дрэў у парку выклікала грамадскія пратэсты, гарвыканкам прыпыніў працы на аб’екце і рэкамендаваў Віцебскай праваслаўнай епархіі перапрацаваць праект будучага храма.

У прыватнасці, прапануецца скараціць плошчу ніжняга храма да плошчы верхняга і адмовіцца ад аўтастаянак, тым самым скараціўшы да мінімуму колькасць высякаемых дрэваў. Разам з тым раней епархія адмовілася ад альтэрнатыўнай пляцоўкі на вуліцы Іллінскага, дзе б не прыйшлося высякаць дрэвы, менавіта з-за немагчымасці абсталяваць побач з царквой паркоўку, паведамляюць «Народныя навіны Віцебска».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
21.11.2016 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты