У Гродне праваслаўныя служылі паніхіду на 125-годдзе Багдановіча (відэа)


У Гродне святар праваслаўнага кафедральнага Пакроўскага сабора іерэй Павел Каспяровіч у 125-ую гадавіну з дня народзінаў паэта Максіма Багдановіча здзейсніў паніхіду на магіле маці паэта на могілках ля гарадской Марфінскай царквы.

Гродно
Удзел у набажэнстве ўзялі дыякан Барыс Барадзінчык, пеўчыя архіерэйскага хору сабора пад кіраўніцтвам рэгента матухны Юліі Шэпелевай, вернікі Гродна, паведамляе pokrovgrodno.org.

“Малітва – гэта самае каштоўнае, калі мы ўзгадваем спачылых людзей,” – нагадаў перад паніхідаў а. Павел Каспяровіч.

11 снежня Клуб праваслаўнага камунікавання, які дзейнічае пры прыходзе кафедры, зладзіць літаратурна-мастацкую вечарыну да 125-годдзя паэта.

Настаяцель кафедры патлумачыў студэнтам прычыны заняпаду беларускай мовы

7 снежня настаяцель сабора а. Георгій рой – кандыдат багаслоўя і чалец Біблейскай камісіі БПЦ, –правеў тэматычную сустрэчу для студэнтаў  “Беларуская мова ў Праваслаўнай царкве” на базе факультэта гісторыі, камунікацыі і турызму Гродзенскага дзяржуніверсітэта імя Янкі Купалы.


Пасля лекціі аб гісторыі, развіцці і трагедыі заняпаду беларускай мовы а. Георгій Рой адказаў на пытанні студэнтаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
10.12.2016 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты