У Мінску развіталіся з даследчыкам сталінскіх рэпрэсій Леанідам Мараковым

img_5030

19 снежня ў мінскім праваслаўным саборы святых Пятра і Паўла каля сотні чалавек прыйшло развітацца з пісьменнікам і даследчыкам сталінскіх рэпрэсій Леанідам Мараковым, які сканаў 17 снежня.

Апошні раз развітацца ў сабор прыйшлі празаікі Уладзімір Арлоў, Максім Клімковіч, Алесь Пашкевіч і Уладзімір Сцяпан, паэты Славамір Адамовіч, Леанід Галубовіч, Антон Рудак, Усевалад Сцебурака, паэткі Людміла Рублеўская і Аксана Данільчык, літаратуразнаўцы Адам Мальдзіс, Вячаслаў Рагойша і Міхась Тычына, палітыкі Зміцер Дашкевіч, Андрэй Дзмітрыеў, Павел Севярынец, Мікола Статкевіч і Уладзімір Някляеў, фалькларыст Уладзімір Васілевіч, журналісты Аляксандр Тамковіч, Міхаіл Валодзін і Сяргей Ваганаў, мастак Алесь Мара, гісторык Ігар Кузняцоў і іншыя, паведамляе budzma.by.

Пасля беларускамоўнага праваслаўнага адпявання, якое правёў айцец Юры Залоска, адбылася грамадзянская паніхіда. Пасля яе труну з целам Леаніда Маракова накрылі бел-чырвона-белым сцягам. Развітанне працягнулася на Заходніх могілках Мінска, дзе і быў пахаваны Леанід Маракоў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі