Лідары канфесій Беларусі могуць сумесна памаліцца аб міры

Кандрусевіч2

Прадстаяцель Беларускай Праваслаўнай Царквы Мітрапаліт Мінскі і Заслаўскі Павел, старшыня Канферэнцыі каталіцкіх біскуп Беларусі, мітрапаліт Мінска-Магілёўскі Тадэвуш Кандрусевіч, кіраўнік Мусульманскага рэлігійнага аб’яднання муфтый Абу-Бекір Шабановіч, кіраўнік Юдэйскага рэлігійнага аб’яднання Рыгор Хайтовіч 20 снежня ўвайшлі ў склад праўлення Беларускага фонду міру.

Сёння неабходна выбудоўваць дыялог, і фонд міру можа быць той арганізацыяй, якая аб’яднае ўсіх кіраўнікоў канфесій, адзначыў старшыня праўлення фонду, намеснік старшыні Пастаяннай камісіі па заканадаўстве Палаты прадстаўнікоў Максім Місько. Паводле яго, Беларускі фонд міру імкнецца стаць эфектыўнай пляцоўкай для рэалізацыі гуманітарных і міратворчых ініцыятываў. Прыцягненне да гэтай працы лідараў рэлігійных і грамадскіх аб’яднанняў будзе садзейнічаць паспяховаму вырашэнню статутных задач арганізацыі, спрыяць далейшаму згуртаванню грамадства, перадае БелТА.

У сваю чаргу мітрапаліт Мінска-Магілёўскі Тадэвуш Кандрусевіч прапанаваў лідарам іншых канфесій далучыцца да малітвы аб міры, якую Каталіцкі Касцёл праводзіць 1 студзеня, або правесці супольную малітву. “Такія сустрэчы, як сёння, вельмі добрыя, але гэта высілкі толькі гарызантальнай плоскасці. Ісус сказаў: “Без мяне нічога не зрабіць”. Таму вельмі добра, што мы аб’яднаемся пад крылом фонду міру і молімся аб свеце”, – адзначыў Тадэвуш Кандрусевіч, нагадаўшы, што мір – не толькі адсутнасць ваенных дзеянняў, але і стварэнне ўмоў мірнага жыцця.

Мітрапаліт Мінскі і Заслаўскі Павел, Патрыяршы Экзарх усяе Беларусі заявіў, што мірная Беларусь сёння нязручная для тых, хто нажываецца на вайне, атрымлівае на гэтым дывідэнды. Таму ўсяму грамадству важна быць пільным і ўважлівым, бо часцяком культывуюцца сумнеўныя ідэі і адбываюцца спробы іх навязаць. Мір, свабода, незалежнасць – самае галоўнае багацце, якое трэба цаніць, захоўваць і ўмець абараняць, сказаў ён.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
20.12.2016 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты