Будаўніцтва ў Котаўцы спыненае: “зялёныя” перамаглі каталікоў

Котовка
Старшыня Мінгарвыканкама Андрэй Шорац на прэс-канферэнцыі 21 снежня паведаміў аб спыненні будаўніцтва ў мінскім скверы “Котаўка” у Сяльгаспасёлку касцёла святых апосталаў Пятра і Паўла і святога Яўгена дэ Мазено.

Пасля няўдалага пачатку будаўніцтва, калі мясцовыя жыхары, узначаленыя эколагамі- “зялёнымі”, пачалі звадкі і бойкі на будучай будпляцоўцы, кіраўнік Мінгарвыканкама 6 снежня прыехаў на месца канфлікту і ўзяў сітуацыю на асабісты кантроль. Вынікам стала замарозка будаўніцтва. “Напэўна, будаваць там нічога не будзем, супольнасці прапануем іншы ўчастак», – рэзюмаваў Шорац, паведамляе onliner.by.

Шорац падкрэсліў, што асабіста ён з пратэстуючымі не згодны і лічыць пытанне надуманым, паколькі асаблівай экалагічнай значнасці сквер не мае, тады як храм ўпрыгожыў бы Котаўку. Пры гэтым гарадскія ўлады маюць намер прапанаваць эколагам “узяць такі ж актыўны ўдзел у добраўпарадкаванні сквера”. «Каб ўзялі рыдлёўкі і паказалі, што, акрамя стварэння карцінкі на камеру, яны ўмеюць яшчэ і працаваць, упрыгожваць раён», – адзначыў ён, заявіўшы, што “гэта павінен быць не разавы суботнік. Эколагі павінныя ўзяць пастаяннае шэфства над скверам”.

Што да новага месца для будаўніцтва храма, то знайсці яго ў Савецкім раёне не так проста. «Храм можна пабудаваць не ўсюды. Гэта павінна быць прыгожае месца, з добрай транспартнай даступнасцю. Мы вывучаем новыя пляцоўкі. Што-небудзь прапануем», – сфармуляваў Андрэй Шорац сітуацыю, у якой апынуліся цяпер” бяздомныя “вернікі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
21.12.2016 Грамадства| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты