Мітрапаліт Кандрусевіч пра Amoris Laetitia: дактрына Касцёла не змяняецца

img_3118На сёння дактрына Каталіцкага Касцёла не змяняецца. Так пракаментаваў 22 снежня на сустрэчы з журналістамі апостальскую адгартацыю Папы Рымскага Францішка пра сям’ю “Amoris laetitia” (Радасць любові) мітрапаліт Мінска-Магілёўскі, арцыбіскуп Тадэвуш Кандрусевіч, паведамляе карэспандэнт Krynica.info.

“Amoris laetitia” выклікала крытыку сярод кансерватыўна настроеных каталікоў, у тым ліку і ў Беларусі, бо, на іх думку, ставіць пад сумнеў непарыўнасць шлюбу. “На сёння дактрына Касцёла не змяняецца”, – сказаў мітрапаліт, адзначыўшы, што людзі, якія жывуць у паўторным несакраментальным шлюбе ці ў адносінах, якія ўтварыліся ў выніку разводу, могуць прыступаць да еўхарыстыі толькі тады, калі жывуць між сабой, як брат і сястра.

Разам з тым арцыбіскуп адзначыў, што Касцёл не адкідвае такіх людзей, а імкнецца прыцягнуць іх да больш актыўнага ўдзелу ў царкоўным жыцці.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі