Мітрапаліт Кандрусевіч пра “Котаўку”: гэта пераслед з боку “зялёных”

kandrusevich

Супрацьстаянне на чале з “зялёнымі” будаўніцтву касцёла ў скверы “Котаўка” ў Мінску – гэта ні што іншае, як пераслед каталікоў. Пра гэта заявіў 22 снежня на сустрэчы з журналістамі каталіцкі мітрапаліт Мінска-Магілёўскі, арцыбіскуп Тадэвуш Кандрусевіч, перадае карэспандэнт Krynica.info.

Паводле яго, праціўнікі будаўніцтва былі зусім не гатовыя да кампрамісу. Увесь іх кампраміс зводзіўся да таго, каб перанесці касцёл у іншае месца – за МКАД, на пустыр ці гэтак далей.

“Але гэта не так проста. У нас ёсць парафіі, і мы просім улады вылучыць участак пад будаўніцтва. Не мы выбіраем. Потым атрымліваем дазвол, арганізуем інжынерныя камунікацыі. Гэта пяць гадоў працы, не кажучы ўжо пра фінансавыя затраты”, — адзначыў мітрапаліт.

Ён нагадаў, што раней мала хто ведаў пра “Котаўку”, як і пра Сяльгаспасёлак, у якім яна знаходзіцца.

Арцыбіскуп таксама зняпраўдзіў заявы, што для будаўніцтва будзе нібы высечаны ўвесь сквер, хаця касцёл мусіў заняць толькі 1,5% яго тэрыторыі. Пры гэтым замест ссечаных дрэваў мусілі быць высаджаныя новыя, а ў самым Сяльгаспасёлку з прычыны наяўнасці ў людзей агародаў хапае расліннасці.

“Гэтая сітуацыя паказала, што можна так узбунтаваць людзей, можна так паказаць сітуацыю, што не ведаеш, чым усё завершыцца”, — сказаў Тадэвуш Кандрусевіч, дадаўшы, што пасля апошніх заяваў старшыні Менгарвыканкаму спадзеву на тое, што будаўніцтва працягнецца, няма.

Арцыбіскуп таксама паведаміў, што плануе сустрэцца з кіраўніком Мінска, каб атрымаць афіцыйны адказ на гэты конт. “Мы не супраць экалогіі, але яе не будзе, калі не будзе экалогіі паміж людзьмі”, — заключыў ён.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
22.12.2016 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты