Беларускім медработнікам не будуць забараняць насіць крыжыкі

cross-necklace-570x334

Абзац аб недапушчэнні відавочнай дэманстрацыі сваёй рэлігійнай прыналежнасці, адкрытым нашэнні рэлігійных знакаў і сімвалаў будзе выключаны Міністэрствам аховы здароўя Беларусі з Праекту «Аб зацвярджэнні Норм медыцынскай этыкі і дэанталогіі». Пра гэта гаворыцца ў адказе, які атрымаў на свой зварот у Міністэрства аховы здароўя праваслаўны мітрапаліт Мінскі і Заслаўскі Павел.

У лісце ў адказ Патрыяршы Экзарх адзначыў, што прынятае кіраўніком Міністэрства аховы здароўя рашэнне з’яўляецца яркім сведчаннем увагі і неабыякавасці да меркавання вернікаў Беларусі і ўзаемаразумення паміж Міністэрствам аховы здароўя і Беларускай Праваслаўнай Царквой, паведамляе Church.by.

Курыя Мінска-Магілёўскай каталіцкай архідыяцэзіі таксама выказала радасць у сувязі з тым, што ўказаны абзац будзе выдалены, і падзякавала мітрапаліта Паўла «за станоўчую пазіцыю ў такой важнай справе, як адкрытае нашэнне знакаў рэлігійнай прыналежнасці», перадае Catholic.by.

Аднак пры гэтым у Каталіцкай Царквы адзначылі, што арцыбіскуп Тадэвуш Кандрусевіч пакуль не атрымаў адказу ад Міністэрства аховы здароўя на аналагічны зварот.

«Сітуацыя выглядае такім чынам, што ролю Каталіцкага Касцёла ў жыцці беларускага грамадства ў чарговы раз штучна памяншаюць. Пра гэта сведчыць заніжэнне колькасці вернікаў у набажэнствах на Божае Нараджэнне, сітуацыя з будаўніцтвам касцёла ў мінскім парку Котаўка, а цяпер і маўчанне з боку Міністэрства аховы здароў’я. Гэта яўная дыскрымінацыя Каталіцкага Касцёла», – гаворыцца ў паведамленні Курыі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
31.12.2016 Беларусь| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты