Затрыманы за захоўванне зброі член РНЕ Бурыкін застаецца святаром

burykin_nn-b27ft

Святар Канстанцін Бурыкін, затрыманы за незаконныя дзеянні ў дачыненні да боепрыпасаў, ня пазбаўлены сану. Пра гэта ў інтэрв’ю “Комсомольской правде в Белоруссии” паведаміў Мітрапаліт Мінскі і Заслаўскі Павел, Патрыяршы Экзарх усяе Беларусі. Паводле яго, рашэнне, пазбаўляць ці не яго сану, прыме Епархіяльны суд па выніках следства.

Мітрапаліт адзначыў, што на святара яму часта скардзіліся прыхаджане Бурыкіна з пасёлка Гатава Мінскага раёна ў сувязі з частай адсутнасцю Канстанціна Бурыкіна ў прыходзе, у тым ліку падчас паездкі ў ЗША на спартовыя спаборніцтвы.

Акрамя таго, людзі скардзіліся і на тое, што ён прытрымліваецца фашысцкіх поглядаў. «Падчас апошняй размовы (18 лістапада – Krynica.info) айцец Канстанцін сказаў, што не лічыць сябе вінаватым, і выказаў жаданне абараняцца ў судзе. Пасля гэтага я прыняў рашэнне – вызваліць яго ад абавязкаў настаяцеля храма і перадаць справу ў Епархіяльны суд», – распавёў мітрапаліт.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
06.01.2017 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты