Лютэранскі пастар: З дагматычнымі разыходжаннямі трэба працаваць на глебе нашага агульнага – хросту

Татарнікаў
Гродзенскія лютэране – чальцы супольнасці святога Яна – на чале з пастарам Уладзімірам Татарнікавым бяруць удзел у Тыдні малітваў аб еднасці хрысціянаў, які перажывае па ўсім свеце Каталіцкая  Царква, запрашаючы за сумеснай малітвы прадстаўнікоў іншых хрысціянскіх канфесіяў.

Патрэбу ў такім сімвалічным Тыдні лютэранскі пастар абумоўлівае неабходнасцю пашыраць стасункі паміж вернікамі розных канфесіяў: “Мы больш даведваемся адзін пра аднаго, пачынаем разумець, што не трэба баяцца бліжняга, а наадварот – неабходна чуць і разумець іншага, вучыцца нечаму ў яго”, паведамляе grodnensis.by.

“Праз сумесную малітву мы ўсведамляем, што дзякуючы прынятаму сакрамэнту хросту з’яўляемся братамі і сёстрамі ў Хрысце”, – дадае пастар Татарнікаў, падкрэсліваючы, што дагматычныя разыходжанні паміж хрысціянамі не трэба адкідаць, але трэба з імі працаваць.

“Сёння створаныя шматлікія багаслоўскія, міжцаркоўныя камісіі, мэтай якіх з’яўляецца пошук шляхоў вырашэння розных пытанняў, што ўзнікаюць паміж хрысціянскімі канфесіямі. Але для нас саміх нашмат важней маліцца ў сваіх супольнасцях адзін з адным і адзін за аднаго, просячы Бога паказаць шлях вырашэння рознагалоссяў, каб шукаць і знаходзіць тое, што нас аб’ядноўвае, а не раз’ядноўвае”, – упэўнены лідар гродзенскіх лютэранаў.

Важнымі Уладзімір Татарнікаў лічыць першыя крокі ў кірунку дыяканіі – супольнай сацыяльнай працы, дапамогі людзям у патрэбе, малітвы, міжканфесійных сустрэчаў.

У Гродне міжканфесійная малітва святароў і вернікаў розных канфесіяў адбудзецца 21 студзеня ў 18. 00 ў кафедральным касцёле Францішка Ксаверыя.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
19.01.2017 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты