Архіепіскап Пінскі прывез мінскаму музею Якуба Коласа падарункі – хор і торт

Стефан
Архіепіскап Пінскі і Лунінецкі Сцяфан 15 студзеня наведаў у Мінску Дзяржаўны літаратурна-мемарыяльны музей Якуба Коласа, – музей, для якога ён у пэўнай меры стаўся духоўнікам.

Уладыка Стэфан прывез супрацоўнікам музея падарунак – мужчынскі ансамбль “Благавест”, які выканаў калядныя спевы на розных мовах – беларускай, рускай, украінскай. Разам са спевакамі выступіў серб – а. Агафангел (Будзішын) з сербскімі калядкамі, паведамляе pinskeparh.by.

Протадыякан баранавіцкага Пакроўскага храма Андрэй Гарбуноў выканаў песні на вершы беларускіх паэтаў, у тым ліку – Якуба Коласа.

Таксама госці прывезлі адмысловы торт ад пінскай майстрыхі – з вырабленымі кандытарскімі зялёнымі галінкамі і ёлачнымі цацкамі.

У сустрэчы ўзялі ўдзел сваякі класіка – яго 90-гадовы сын Міхась Міцкевіч з дачкой і нявесткай. Дырэктар музея Зінаіда Камароўская падкрэсліла, што вітанні ўладыкі Сцяфана ўспрымае як благаславенне на юбілейны год, у якім Беларусь адзначыць 135-годдзе з дня нараджэння Якуба Коласа.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
21.01.2017 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты