II кангрэс медыкаў-хрысціян Усходняй Еўропы пройдзе ў Кобрынскім раёне

doctor

6-9 мая ў Беларусі адбудзецца II кангрэс медыкаў-хрысціян Усходняй Еўропы. На яго запрашаюцца лекары, фельчары, медсёстры, студэнты медыцынскіх ВНУ і каледжаў. Мэта кангрэса — аб’яднаць медыкаў у служэнні Богу і фармаваць хрыстацэнтрычную матывацыю ў прафесіі.

Важнай часткай кангрэса будзе абмен ведамі і вопытам у многіх галінах медыцыны паміж прафесіяналамі з розных краін, а таксама разважанне над складанымі этычнымі дылемамі ў сучаснай медыцынскай навуцы і практыцы, перадае Baptist.by.

Кангрэс адбудзецца ў хрысціянскім аздараўленчым цэнтры «Жамчужынка», які знаходзіцца побач з вёскай Імянін (Кобрынскі раён). У яго арганізацыі ўдзельнічаюць медыцынскія хрысціянскія арганізацыі Беларусі, Малдовы, Расіі і Украіны. На кангрэс таксама запрашаюцца госці з Польшчы і краін Прыбалтыкі і студэнты-замежнікі, якія вучацца ў медыцынскіх ВНУ краін Усходняй Еўропы. Акрамя таго, сярод лектараў кангрэса запланаваны эксперты з Вялікабрытаніі, Германіі, Галандыі, ЗША і іншых краін.

Працоўная мова кангрэса — руская. Плануецца арганізацыя сінхроннага перакладу пленарных мерапрыемстваў для англамоўных удзельнікаў.

Фармат кангрэса прадугледжвае мерапрыемствы, накіраваныя на фарміраванне духоўнай сталасці, развіццё творчай самарэалізацыі і прафесійны рост хрысціянскіх медыцынскіх спецыялістаў. Удзельнікаў чакаюць біблейскія лекцыі і час з Богам; прафесійныя семінары; абмеркаванне складаных медыка — этычных пытанняў; абмен досведам і сяброўскія зносіны.

«У гэты час такія мерапрыемствы дазваляюць хрысціянам медыцынскай сферы ўмацавацца ў веры, паверыць у свае сілы і зацвердзіцца, як спецыялісты. Мы верым, што зносіны з калегамі-хрысціянамі стануць для вас выдатным прыкладам хрысціянскага адзінства, а пачутыя ісціны дапамогуць вам убачыць вашу прафесію ў святле Святога Пісання, падахвочваючы вас да служэння Богу на сваім працоўным месцы», — заяўляюць арганізатары.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
30.01.2017 Беларусь| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты