Нунцый Пінтэр: Мая першасная задача – падрыхтаваць прыезд Папы

Пинтер
Апостальскі Нунцый у Беларусі арцыбіскуп Габар Пінтэр па выніках паўгода жыцця ў Беларусі ў новая пасаде кажа, што ўжо “адчувае сябе як дома” і на дадзены момант лічыць сваёй першачарговай задачай “давесці да ладу будынак новай нунцыятуры, дзе яшчэ трываюць аздабленчыя працы”.

Па словах Нунцыя, на 80-90 адсоткаў яго знаёмства з беларускім грамадствам і беларускім Касцёлам ужо адбылося, паведамляе catholic.by.

“Прыярытэтнай задачай для сябе я лічу падрыхтоўку візіту ў Беларусь Папы Рымскага, таму вельмі важны момант – спраўдзіць, як мы можам арганізаваць гэты візіт”, – кажа Апостальскі нунцый.

Апостальскі нунцый кажа, што беларускае рэлігійнае поле з’яўляецца нагодай для пашырэння працы ў галіне экуменізму. “Сёння адна з галоўных праблемаў, якая кідаецца ў вочы, – у няведанні адно аднаго. У нашых галовах жывуць стэрэатыпы, і мы нічога не робім, каб іх разбурыць. Для гэтага патрэбен час і, у першую чаргу, каб пазнаёміцца”, – кажа Нунцый пра свае ўражанні ад міжканфесійных стасункаў, дадаючы, што ў Беларусі “назіраецца мірнае суіснаванне і павага. Вернікі бачаць, што людзі іншай канфесіі нічога дрэннага ім не жадаюць”.

Гаворачы пра матэрыяльны стан Касцёла ў Беларусі, мансеньёр Пінтэр прыводзіць у якасці адной з мадэляў гаспадаркі Каталіцкай Царквы ЗША, дзе “няма «прамога фінансавання» – дзяржава падтрымлівае толькі канкрэтныя праекты. Калі ж забяспечаныя вернікі робяць ахвяраванні на Касцёл, то ахвяруюць дастаткова шмат – мільёны долараў. За гэты кошт існуюць каталіцкія школы, універсітэты, каталіцкія шпіталі, прытулкі для бедных. Я думаю, у Беларусі паступова католікі таксама прыйдуць да гэтай мадэлі — разумення, што ў значнай ступені толькі мы самі можам дапамагчы Касцёлу”.

Апавядаючы пра свае працоўныя будні, Апостальскі нунцый шкадуе аб тым, што не мае шмат часу на свае любімыя заняткі – ровар і чытанне, тым не меней, чакае пачатку веласезона і “ужо атрымаў на гэты конт шмат карысных парадаў ад мітрапаліта Кандрусевіча”.

Нунцый кажа, што яшчэ не паспеў пазнаёміцца з кнігамі Нобелеўскага лаўрэата Святланы Алексіевіч, але яе творы знаходзяца ў стосе 20-30 кніг, якія чакаюць сваёй чаргі на прачытанне.

На пачатак вясны ў мансеньёра Пінтэра запланаваныя паездкі па Беларусі: напрыканцы лютага ён наведае Магілёў, у сакавіку – Гродна, Віцебск і Пінск.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
03.02.2017 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты