У Мінску сквер ля Чырвонага касцёла могуць назваць у гонар Вайніловіча

kasciol

Камісія па найменаванні і перайменаванні праспектаў, вуліц, плошчаў і іншых складовых частак Мінска прапануе назваць сквер каля касцёла святога Сымона і святой Алены імем беларускага палітыка і заснавальніка касцёла Эдварда Вайніловіча. Сквер размяшчаецца ў межах комплексу будынкаў касцёла, дамоў № 17, 19 на вуліцы Савецкай і № 4 на вуліцы Свярдлова.

Галоўнае ўпраўленне ідэалагічнай работы, культуры і па справах моладзі Мінгарвыканкама (220006, г. Мінск, вул. Маякоўскага, 22, корп. 2) два наступныя тыдні прымае меркаванні мінчан па гэтым найменні, паведамляе «Минск-Новости».

Эдвард Вайніловіч (1847-1928) – беларускі палітык і грамадскі дзеяч. Старшыня Мінскага таварыства сельскай гаспадаркі, Краёвай партыі Літвы і Беларусі, дэпутат Дзяржаўнага савета Расійскай імперыі, мецэнат беларускага нацыянальнага руху. Зараз у Каталіцкай Царквы ідзе працэс яго беатыфікацыі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі