Чырвоны касцёл у Мінску зноў зачынілі падчас акцыі апазіцыі

marsz

Чырвоны касцёл, які размешчаны на Плошчы Незалежнасці ў Мінску, 17 лютага зноў быў зачынены падчас апазіцыйнай акцыі “Марш раззлаваных беларусаў”. Пра гэта Krynica.info паведаміў парафіянін, які ў гэты момант знаходзіўся ў храме.

Паводле яго, касцёл зачынілі пасля пачатку Святой Імшы а 19:00, пакінуўшы для ўваходу і выхаду толькі дзверы з левага боку. Звычайна дзверы ў Чырвоным касцёле зачыняюцца пасля апошняй Імшы, у рэдкіх выпадках падчас Святой Імшы а 21:00, якая цэлебруецца ў нядзелю і святы. Ці звязанае гэтае закрыццё з апазіцыйнай акцыяй, невядома.

“Марш раззлаваных беларусаў” стаў самай масавай акцыяй апазіцыі з моманту разгону дэманстрацыі 19 снежня 2010 года. Паводле розных падлікаў у ім узялі ўдзел каля 2-3 тысяч чалавек, якія пратэставалі супраць дэкрэту № 3, таксама вядомага як “дэкрэт пра дармаедаў”, паводле якога жыхары Беларусі павінны плаціць падатак, калі працавалі менш за 183 дні ў годзе. Акцыя пачалася на Кастрычніцкай плошчы, а скончылася на Плошчы Незалежнасці.

Як паведамляла Krynica.info, Чырвоны касцёл быў афіцыйна зачынены на рамонт 12 верасня 2016 года, калі апазіцыя пратэставала супраць афіцыйных вынікаў парламенцкіх выбараў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
17.02.2017 Беларусь| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты