У Росіцы вернікі ізноў прайшлі шляхам святароў-пакутнікаў (фотарэпартаж)

У Беларусі ў лютым  і сакавіку вернікі і няверуючыя людзі шмат у якіх мясцінах ушаноўваюць “карныя дні” – менавіта ў гэтым прамежку часу ў 1943 годзе нямецкія карнікі, помсцячы за партызанскія напады, асабліва жорстка абыходзіліся з вясковым насельніцтвам, вынішчаючы населеныя пункты разам з жыхарамі дашчэнту.

У некаторых вёсках людзі гінулі парафіямі – разам са сваімі святарамі, як каталіцкага, так і праваслаўнага веравызнання.

У Росіцы пад Верхнедзвінскам 18 лютага каталікі з розных куткоў Віцебскай дыяцэзіі, а таксама паломнікі з Мінску, прайшлі апошні шляхам жыхароў вёскі, спаленых зімой 1943 года. Разам з вяскоўцамі дабраахвотна прынялі смерць каталіцкія святары-марыяне Юрый Кашыра і Антоній Ляшчэвіч, якія да апошняга аказвалі святарскую паслугу асуджаным на смерць.

Росица
Святую Імшу жалобы ўзначаліў вікарый Віцебскай дыяцэзіі, пробашч парафіі святога Андрэя Баболі ў Полацку кс. Францішак Кісель, яму саслужылі гаспадар росіцкай парафіі кс. Чэслаў Курэчка і святары з іншых месцаў, якія прыехалі разам са сваімі вернікамі.

Пасля Адарацыі Найсвяцейшага сакрамэнту і Святой Імшы вернікі рушылі праз усю вёску да месца колішняй трагедыі, пазначанага зараз вялікім крыжом, мінаючы па дарозе помнік ахвярам. Усе неслі ў руках запаленыя знічкі, – святло памяці, якое пасля гарыць ля крыжа яшчэ цягам некалькіх гадзінаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі