У Лідзе каталікі моляцца аб 9-і растраляных святарах

памятник
У Лідзе 10 сакавіка ў касцёле Беззаганнага Зачацця Найсвяцейшай Панны Марыі каталікі моляцца аб ахвярах нацызма – 9-і каталіцкіх святарах, якія 74 гады таму былі растраляныя разам з іншымі прадстаўнікамі тутэйшай польскай інтэлігенцыі.

29 чэрвеня 1942 года былі арыштаваны святары парафіі ў Лідзе – пробашч кс. Вінцэнт Лабан і вікарый кс. Люцыян Мрачкоўскі. Праз некалькі дзён быў арыштаваны кс. Стэфан Снягоцкі, вікарый лідскай фары. Былі зняволеныя і іншыя святары, паведамляе grodnensis.by.

У Папяльцовую сераду 10 сакавіка 1943 года яны былі расстраляны. У хуткім часе парафіяне паклапаціліся аб тым, каб знайсці іх целы і пахаваць у вядомым месцы.

На старыя слабодскія могілкі парэшткі забітых святароў былі перанесены пасля 1960 года. Парэшткі былі складзены ў адну труну. «Толькі стулы былі як новыя. Але калі дакраналіся да стулаў, яны рассыпаліся», – узгадваюць сведкі.

На супольнай магіле быў пастаўлены помнік, на якім пазначаныя імёны 9-і святароў-мучанікаў.

Святарамі, якія 10 сакавіка 1943 года прынялі пакутніцкую смерць ад гітлераўцаў, былі:

Кс. Вінцэнт Лабан, пробашч парафіі ў Лідзе (Слабада)

Кс. Люцыян Мрачкоўскі, вікарый парафіі ў Лідзе (Слабада)

Кс. Стэфан Снягоцкі, вікарый парафіі фарнага касцёла ў Лідзе

Кс. Аляксандр Аўгустовіч, пробашч парафіі ў Нецечы

Кс. Стэфан Дабравольскі, пробашч парафіі ў Беліцы

Кс. Альфонс Бароўскі, пробашч парафіі ў Лацку

Кс. Францішак Цыбульскі, пробашч парафіі ў Трабах

Кс. Ежы Ажароўскі, пробашч парафіі ў Ліпнішках

Кс. Вінцэнт Стшэснеўскі, пробашч парафіі ў Юрацішках.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі