У Беларусі рыхтуецца правядзенне першага пралайф-кангрэсу

конкурс
У Беларусі на канец 2018 года запланаванае правядзенне першага пралайф-кангрэса, падрыхтоўку да якога зараз ажыццяўляюць мітрапаліт Мінска-Магілёўскі арцыбіскуп Тадэвуш Кандрусевіч і Рада па справах сям’і Канферэнцыі Каталіцкіх Біскупаў у Беларусі.

“На гэтым кангрэсе мы ўздымем актуальныя праблемы, якія шырока прысутнічаюць на еўрапейскім полі, але яшчэ не зусім прыйшлі да нас: пагрозы гендарнай ідэалогіі, якая знішчае сем’і, сужэнствы, вобраз Божы ў чалавеку”, – кажа старшыня Дабрачыннага фонду “Адкрытыя сэрцы” Уладзіслаў Валаховіч, паведамляе Ватыканскае Радыё.

Таксама будзе абмеркаваны негатыўны ўплыў на беларускае грамадства дзейнасці Сусветнай арганізацыі аховы здароўя ААН і Фонда ААН у галіне народанасельніцтва, якія прасоўваюць даступнасць кантрацэпцыі і абортаў.

“Мы хочам раскрыць механізмы дзеяння гэтых арганізацыяў і паказаць, што калі Беларусь сапраўды хоча быць незалежнай, яна, у першую чаргу, павінна быць незалежнай ад тых міжнародных лобі, якія прасоўваюць антыхрысціянскія, антысямейныя, вельмі небяспечныя рэчы”, – дадае старшыня “Адкрытых сэрцаў”.

Дабрачынны фонд “Адкрытыя сэрцы” быў зарэгістраваны ў 2009 годзе. На сённяшні дзён ён налічвае каля 70 актыўных валанцёраў, якія дзейнічаюць ва ўсіх дыяцэзіях Беларусі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
30.03.2017 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты