Мітрапаліт Кандрусевіч: грамадства павінна змяняцца, каб не пачаць цвісці

kandrusevich

Дэкрэт пра дармаедаў стаў яшчэ адным заклікам да таго, што грамадства павінна мяняцца. Пра гэта на прэс-канферэнцыі 11 красавіка заявіў каталіцкі мітрапаліт Мінска-Магілёўскі, арцыбіскуп Тадэвуш Кандрусевіч. “Калі вада ў вадаёме не змяняецца, яна пачынае цвісці”, – падкрэсліў ён, паведамляе карэспандэнт Krynica.info.

“Заўсёды так ёсць, і апазіцыя заўсёды ёсць. Толькі цывілізаваны падыход неабходны з усіх бакоў”, – адзначыў іерарх, заклікаўшы ўсе зацікаўленыя бакі грамадзянскага супрацьстаяння сесці за стол перамоваў, бо “толькі за сталом ёсць шанец вырашыць праблемы”.

Падзякаваўшы ўладам за тое, што пачалі змяняць дэкрэт №3, мітрапаліт таксама заклікаў паглядзець больш уважліва на сусветны досвед, дзе існуе дыферэнцыяваны падатак у залежнасці ад прыбытку, а таксама больш увагі звярнуць на забеспячэнне людзей працай. Пры гэтым, ён выказаў сумнеў, што ўсе беспрацоўныя, як было загадана, будуць працаўладкаваныя да 1 траўня.

Таксама напярэдадні Чарнобыльскага шляху 26 красавіка і іншых запланаваных акцый пратэсту іерарх заклікаў усе бакі трымацца міру.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі