На Вялікдзень у мястэчку Рось невядомыя распісалі санктуарый надпісамі

Россь
У мястэчку Рось у Ваўкавыскім раёне ў ноч на 16 красавіка, у прамежак часу паміж позняй вячэрняй і ранішняй каталіцкімі Велікоднымі службам невядомы апаганілі сцяну капліцы касцёла Святой Тройцы.

На сцяне былі зробленыя надпісы зняважлівага характару.

Раённы аддзел Следчага камітэта распачаў крымінальную справу па факце апаганьвання святыні, паведамляе БелТА.

“Следчыя агледзелі месца здарэння, дапыталі сведак. Прызначаны некалькі экспертызаў па выяўленых слядах, праведзены іншыя працэсуальныя дзеянні. Накіравана даручэнне органам унутраных спраў на правядзенне аператыўна-вышуковых мерапрыемстваў для ўстанаўлення падазраванай асобы”, – тлумачыць афіцыйны прадстаўнік УСК па Гродзенскай вобласці Сяргей Шаршаневіч.

Надпісы былі аператыўна выдаленыя.

Троіцкі касцёл у Росі – помнік архітэктуры, ён пабудаваны ў стылі класіцызму ў 1807 годзе, уключаны ў Дзяржаўны спіс гісторыка-культурных каштоўнасцяў Беларусі. Вернікі ведаюць яго як святыню, у якой знаходзіцца цудатворная фігура Ісуса Журботнага, да якой рэгулярна ладзяцца пілігрымкі.

Пробашч парафіі – экзарцыст Гродзенскай дыяцэзіі кс. Чэслаў Паўлюкевіч, які праводзіць рэкалекцыі, прысвечаныя ўнутранаму аздараўленню.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
17.04.2017 Здарэнні| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты